2013年8月30日 星期五

姊妹裙@modcloth到貨了!!!!!!

The FinAL EdITioN

完成了!!!!
所有裙都買完了~~有一d失落,哈哈!

Girls, Let's RoCK the PArtY!!!!!!!!!=================================================
2012年6月3日

着咗上身好靚靚 =)
係咪好襯呢?
哈哈~~~伴娘都買咗粉紅色,而家尚欠一位姊妹未買,即係我表姐。
當佢都買好後,就可以嚟張大合照啦!!!!

選裙工程接近尾聲之際,而家等我分享吓我地成個開心選裙的流程同注意嘅事先。
■首先,新娘最好自己做色板俾姊妹們揀,因為無嘢喺手,大家齋講,好易會有誤會。二來,色板係經過新娘子自已揀過,所以唔使驚揀色上會有衝突。
■其次,有色板之後廣發出去,俾佢地投票揀,我嘅做法係叫姊妹們投票揀5個最喜歡的「裙組」,之後就搵佢地人人都有揀嗰組,如果唔中,就揀最多人揀嗰組,小數服從多數。
■第三,其實揀色上可以有彈性,唔一定係一式一樣,有色差其實仲靚,相片顏色會更豐富多姿,同埋姊妹都會易揀d。如果驚唔知係咪同一色系,我極力建議大家可以利用pantone色卡解決,快靚正。
■第四,如果大家好難約時間一齊shopping,其實網購都唔錯㗎,俾一個網址佢地,大家一齊喺嗰度揀,一來可以省回腳力,二來買現成的唔驚會喺造裙上有任何差池,佢地又可以着得番。
■第五,揀購物網方面,最好揀一個裙款好多、較大型嘅網。
■第六,最後一樣,新娘要open minded之餘,其實都要給予適當指引,因為係女仔買嘢都會有「選擇困難症」,可能有時佢地睇睇下會「偏離正軌」,又或者有姊妹唔中意多數人揀的色時,新娘可以俾d指引佢,安慰吓佢「着一次唔係自己成日着的色,可能會意外地合襯都唔定呢」。

其實,買衫買鞋大家都開心(使錢係最開心嘅~~哈哈哈),姊妹有得全部自己揀、有自由(其實係「中國特色的自由」-->即係佢地喺有限度的範圍揀,哈哈),可以提高佢地嘅投入感,大家都更亙動,大家籌備嘅過程就更開心啦!
======================
2012年5月31日

上回提到,我一班美麗動人的姊妹已經選好了顏色,於是便可以開始選裙。
有兩位姊妹在我介紹的modcloth看中了合心意的裙子,便是以下兩件:


因為個網無貨無得好快,於是我即刻買,5月20日落單、5月30日到埗,我只係用平郵,大槪係13蚊美金,真係好快呀!!!



我覺得都幾靚,做姊妹裙一流。呵呵!

沒有留言:

張貼留言