2013年8月30日 星期五

Prewedding 之 姊妹裙 @ 姊妹部屋 及 MDL

有睇開這個BLOG的朋友仔都知,我很早便買了姊妹裙。
今次跟姊妹一齊影的Prewedding,原本也plan着來影,但最尾都沒有。
事緣之前跟攝影師開會時,他只有一個要求,便是希望跟我們玩mono tone(就像下面這張相),mismatch的裙太多色,跟他構思不同。

對於這個要求,我也想了一陣,一班美人姊妹當然唔想我再破費,但係我還是尊重這位攝影師,因為看出他真的是很想拍到自己的構思。而我,都俾得一萬佢影,無謂因為一條裙破壞了原本的構思,只要攝影師清楚自己的意念,我也會配合,因為我也愛完美。

伴娘笑說她的媽媽知道她又要買裙後,問佢究竟係佢結婚定係我結婚,說我好揼本咁話。我老公仲話我係個黑洞,d衫買極都唔完。hahahaaa~~ 其實我也不是富貴人家,籌備婚禮以來我一直都有keep budget,所有項目都under control,所以有餘錢,不貴,便玩多舖。

噚日,我便同一班美人去睇裙,list上有5間,最後睇了兩間便扑鎚。

第一間是MDL,終於見到盧太,真是聞名不如見面,佢聲大如洪鐘,我站在門口已經聽到佢講電話了。

這間可以任試,美人們便試了好多款,以下係佢地試過的款式:

■ 呢款由伴娘仔試,完全唔好睇,蝴蝶太大,鑽石有D娘。係幾收腰,但係收到胃腩就收唔到小肚腩。

■呢款睇相都唔錯,但係唔啱美人們嘅身型,主要係裙子太突出原本的身型,什麼腩都收唔到。

■呢件原本係我睇最CLEAN CUT嘅一件,但係太硬,盧太更說似木乃伊。

■棗紅色嗰條由最FIT嘅表姐大人試,效果同圖嘅女仔一樣。但係我覺得比較成熟,唔係好適合佢地嘅年齡層。

■呢款係唯一一款非PENCIL SKIRT,但係最後都係唔啱。呢款係我個妹試,因為佢上圍豐滿,一着上身將效果DOUBLE UP,好論盡。
 盧太俾我個價都好好,同料同款可以320元一條,但係因為D款唔係好啱一班美人嘅身型,所以都係想睇埋其餘嗰幾間先決定。

第二間原本plan睇bridesmaids4in1,但因為我唔記得約佢又無開,所以告吹。於是我便睇一陣百利的舖食個tea,便拉隊去第二間姊妹部屋睇了。

這間是我一位做了十N次姊妹的朋友仔推介的,佢話造得幾好、服務好而且有些特別款。這間舖跟MDL唔同,比較窄而且只可以試3件,最後佢俾我地試咗4件。以下便是我們選的款:

■呢條真係FIT到漏! 着上身好瘦,摺位又係好修腰,而且即使有肚腩仔,摺位都遮到,唔會明顯。這條在MDL有差不多的款,只是MDL的摺拉得較鬆,而這間則拉得好貼服。

■呢條睇相真係幾靚,試上身後仲靚,摺位好修身,而且夠挺。條裙側邊有個交叉,但我的美人們都是白雪公主,乖乖女唔想SHOW美腿,所以唔會揀。 

■試時都知呢條Q,裙擺大咗D,但整體來說着上身都靚。
美人們的COMMENT係MDL着上身貼D,因為有鐵線托胸,反而呢間無,但係款就呢間靚,真係魚與熊掌。
最後,我選擇了姊妹部屋,為了保持小小神秘感,暫時不會公開選了邊一條,因為以上所有都不是,等做起了,再同大家分享。

沒有留言:

張貼留言