2013年9月1日 星期日

婚禮攝影之逐個睇逐個揀

攝影呢家嘢,係一門好深嘅學問,我只係識皮毛,平時玩吓大機、玩吓LOMO,但係都始終係門外漢,無資格去講人地專業攝影師嘅技巧。
因此,喺揀攝影師時,我只係根據自己嘅喜好去揀一些我喜歡的,或者係我偏好的相片。咁當然啦,一些太HEA的攝影師,影咗一些 OUT FOCUS、裁咗個人呀、或者反白眼嗰類嘅相,又或者求其影完加個柔化效果當沙龍嗰D,就算係門外漢一睇都知唔得,我喺到係提都懶得提㗎啦。

呢排睇完一輪SAMPLE相之後,我見BIG DAY攝影其實分「沙龍派」同「紀實派」,沙龍派就中意影到好似PRE WEDDING咁,紀實派就現場感重好多。我自己PREFER後者,我中意現場感重嘅相,同埋我好中意色彩鮮明嘅相,因為結婚係好開心嘅事,只有繽紛嘅顏色才能將開心的感覺呈現,就好似糖果呀、甜品咁,我望住都會好開心。所以,有好多現時好紅嘅攝影師,都唔係我杯茶,因為個色TONE唔啱我。

大家唔好睇小個色TONE,我試過有個朋友搵咗個幾出名嘅攝影師幫佢影,個攝影師係好中意玩LOMO同影型格相。咁係無問題,但弊在佢唔睇清楚當時嘅場合同顏色,佢竟然用LOMO常用嘅偏綠TONE同埋偏黑TONE同佢影褂相!!!!!!!!!! 仲要我朋友係喺公屋出門,結果影出嚟嘅相變成彭順嘅「見鬼10」,真係欲哭無淚。

好啦,講咗咁多,以下係四個我最後好喜歡而又啱筆直嘅候選佳麗(排名不分先後):

■VISION WEDDING

COPY FROM http://www.visionwedding.com.hk/blog/
■Pink Cloud @ Solo Chan
copy from www.pinkcloudproduction.com/
 Jan Wong
copy from http://www.janwongphoto.com/blog/
 ■Your Moment
Copy From  www.yrmoment.com
 哈哈!! 其實我都決定咗。
我最後揀咗 PINK CLOUD。
至於點解,因為SOLO嘅相片質素比較穩定,時有驚喜,相片現場感最強,而且CAPTURE的不只是純美甫士相,有好多都係即場的,好搞笑。其實,我對相片嘅要求係──唔需要張張相都「嘩嘩聲」,間中一兩張有驚喜,就好了。講真,現場攝影要張張都perfect的,係無可能;如果有,就唔係幾萬蚊可以搵到。

SOLO好後生,但唔係初入行,佢之前喺幾間唔同嘅公司做過FREELANCE,好似法國緍紗、四季等等,有一定資歷。價錢方面,佢2P1V都只係1萬多DD,佢好似今年7月會加價,不過都係加一千啫,仲係實惠之選。佢剛剛出來自己做,平時唔做宣傳,所以無乜人知有佢,而我係好機緣巧合之下先搵到佢(係佢嘅前女友介紹:P)。噚日同佢傾過之後,發現佢都係中意影鮮明顏色嘅相,態度唔錯,唔會有五花八門嘅收費,所以一拍即合。

不過,佢都唔係PERFECT,例如佢影相時如果快門快兩秒會好啲,因為有啲鏡頭係慢咗,例如拋花球,快兩秒,或者提一提新娘唔好擰塊面會好啲。同埋有啲相太光,但係都唔係大問題,因為佢話佢換咗部NIKON機,快門會快好多。而光方面,提下佢個助手就好了。

YEAH! 我又再一次,以9秒9速度跑完這段搵攝影師嘅漫漫長路。

沒有留言:

張貼留言