2013年9月1日 星期日

極速印好帖之淘寶好嘢

關於婚禮,而家只剩下少量鎖碎的事要做。

第一樣做的是印帖。

原本羊生諗住我們用咁少,喺香港印便算了。同事介紹一間喺灣仔喜帖街的公司俾我地,叫Joy's Card,羊生去到問乜無乜,仲要同佢講「而家一時之間搵唔到sample俾你睇,你自己上我個網睇下。」羊生當時環顧四周,一個客都無,又唔係rush hour、又唔係趕收工,佢都夠膽咁同客講,咁等同下逐客令,真係佩服佢。我會嚟找你印帖,都已經說明我係想睇實物,如果我會上網睇,咁我就唔會嚟你舖頭啦,我不如上網買!!! 不過,羊生嘅耐力都令我佩服,仲問佢印帖嘅收費,d帖最平嗰隻大紅大紫都要11蚊張,印埋仲要加350元。

一張咁普通的卡,都要成22蚊一張。
間嘢我唔知有乜咁把炮,可以用咁嘅商品同服務收我呢個價錢,我仲要唔知佢會印幾耐喎。

所以,我同羊生講都係淘寶算啦。初初佢好抗拒,因為佢以為張帖會打簡體字,後尾我睇過之後先知,佢地而家根本都做慣港人生意,全部帖都係繁體字,我找到一間帖的款好靚,好多都係韓式,有幾款大紅的帖都好靚,一點娘味都沒有。

這是我選了一款,7.6元人仔一張咭,乜都包哂,完全唔使費神。
因為我請人不多,最後我還是選了一張店內較貴的款式,要成7.6元人仔,包印包貼紙包信封包畫地圖,唔使自己費心。

最厲害嘅係,由落單計到送到我屋企,只係3日時間!!!!! 中間我仲改過一次稿!!!!!成品跟上面的圖是一模一樣!!!所以,我也不另外影相post上來了。

我原本都想選呢張,不過最尾都係揀返西式。 
呢款紅帖又係好靚,又高貴又精致,一張都係4.8人仔。
內頁跟足我的要求,地圖做得好清楚,還要幫我做了個簡單小logo。
佢地做單真係好有系統,而且客服好,跟得緊,發貨快……我相信如果我幫襯灣仔嗰間,先唔好計幾錢,等佢印好搞掂都唔知要幾耐。我嗰隻帖仲要又通花、又貼珠,喺香港買一定貴到死。

淘寶呀,真係好難令人不愛上。

淘寶店id:朋博堂
店網止:http://pengbotang.taobao.com/?spm=2013.1.w5166273884.1.R19hVm

沒有留言:

張貼留言