2013年9月1日 星期日

印衞衣完成之Bridal Hoodies ARRIVED!!!!

到咗啦! 到咗啦!

Bridesmaids' Hoodies 到咗手啦!! 


今日晏晝番到公司見到有袋嘢,即刻拆來看,6件衞衣到齊!! 着上身試,初初以為細咗拉唔到拉鏈,驚!!! 後尾發現原來係我件長袖衫太厚,之後着係啱啱好,吁~~(揑一把汗)

希望我啲姊妹都fit身。

其實我原本有少少擔心,因為個圖真係好複雜,而且我自己做退地(平時點人做就叻、自己做就……=_=''')。而且又驚像素唔夠,驚佢夾硬印,印出來會起格,但今日收到一見,真係開心死。

首先係圖的大小剛剛好,而且最重要是無起格,其次係非常清晰,完全沒有糢糊或花咗的情況,賣家話見我個圖做得咁有心機,佢後尾同我用激光定係鐳射(我唔記得咗)技術印,佢話原本應該收100元一件,但最尾無加收到我。

而且賣家好好,佢印之前有同我check圖,提醒我有地方未退得好,叫我再做好一點先好印,這個很重要,如果沒有做這一步的話,印出來就不堪設想。還有,這件衞衣真的好質地,好的意思是以這個價錢來說,又厚身,穿上身又soft又唔吉肉,好好好好着。

不枉我費了這麼多功夫逐家詢問,這家店子秀麗閣服飾我一定要推薦出來,因為我想當婚禮變得個人化時,這bridesmaid hoodie 也有機會流行起來呢。


我真的真的開心到飛起!!!! 第一次自己無靠任何人幫手,由設計logo、找人印衫全部一腳踢,我都覺得自己叻,哈哈哈~~~

我遲d着上身俾大家睇下,嘻嘻嘻!!


close-up 大家可以睇到印得好清,完全無「萌」

穿上身好FIT!!
細節圖


沒有留言:

張貼留言