2013年9月1日 星期日

姊妹prewedding 之 vendor review

原本想將review收埋,但寫得blog都係想分享,除非有私人相,如果唔係都唔想私有化。
這麼重要的一篇,我還是公開,造福人群。

Vendor Review 
■Nicywedding @ Y. David ( 4.5★) 
說真的,David比較慢熱,不過人就好相與又好就得人,因為我同佢講咗我班姊妹好想睇到相,所以佢就話先執幾張俾我地睇吓。

影之前幾天,佢都好擔心天氣,主動同我講想改期,但奈何我真係改唔到,好彩最尾都天朗氣清。過程上,大家都溝通得到,亦好尊重新娘的意見,而且佢都會主動問我有冇嘢想影,。

只係有點都要講吓,就係佢唔係好識處理一大班人影相同埋教人擺甫士,可能佢比較斯文,而我地就6個女仔,大家一人一句都好嘈,所以佢有小小不知所措,俾我班姊妹主導咗,變相班姊妹擺甫士時有小小混亂。無論如何, 我都覺得DAVID是很好的呢。

We are CRAZY in studio!!!
 ■Sonia lam MAKEUP ( 5★)

一個字,讚!

講化妝,最後都係睇化成點。
我跟妹妹的妝都好喜歡!
新娘妝方面,我係短髮的,無駁任何假髮,set得好靚,我好好好喜歡,我覺得好襯我,妝方面好靚,好有神,而且佢真係有做功課。知我中意紅潤一點的妝、不喜歡「曱甴腳」般的眼睫毛,眼妝不會「漆黑一片」,成個妝都好清好靚;又例如我個妹,其實我個妹有一點難化,因為佢係單眼皮,而且方型面,個樣又細路,但係個妝都化得好好,對眼有神,不會夾硬變雙眼皮,又不會把她的眼睛化到好似gal系妝,夾硬加工變圓,眼睫毛又不會重到好似跌落嚟咁,讚!

伴娘本身是老師,佢唔慣化濃妝,所以Sonia 亦好體貼地無迫佢化濃妝、戴假睫毛,幫佢淡掃鵝眉,己經好精神了,set的頭也好襯伴娘,伴娘都好中意呀。

■ PASM Workshop ( 5★)
這間studio是winnie fook推介俾我的,影相前兩天我怕會落雨,所以臨急找winnie幫手,佢超好人呀!! 即俾咗呢間studio我。

負責人Victor十級好人,我講明我可能會調時間嚟,但佢都無問題,仲好配合我。而且仲要乜都包,仲有預備人手幫攝影師手set燈,而且收費好平,只要288元1個鐘,超值推介!!!

PASM Studio
電話:36934044 /  6627 5277 (WhatsApp)

■姊妹部屋( 4.5★)又要再講,裙做得靚,但係唔係好fit,要一改再改,但係Vivi好好態度,所以讚!

最後,我想講我的淘寶婚紗,雖然我一直擔心上身金光閃閃,但原來影出嚟係出奇地好睇,哈哈!! 總的來說,我都好滿意呀。

沒有留言:

張貼留言