2013年9月1日 星期日

第一輯prewedding,大成功!

終於,影完了………第一輯。

星期二 天陰
呢排天陰陰,成日落毛毛雨,但無改我堅決要影的心,因為這輯prewedding真的拖得太久了。由上年11月落訂到而家前後改了3次期,由原本初訂的3月,因為攝影師想影big day job,於是改到5月,之後又因羊生怕熱(其實我都怕),於是再改到11月6日,之後因為studio就唔到期同化妝師無期,再改到11月中,改到我都無心機。

這次是鐵定不會改,一則我租的禮服都做好final fitting,第二我請了假不可能銷,第三我真的想快快手影咗佢,唔想再拖。我們訂了星期三影相,之前一日攝影師winnie fook打電話嚟,佢話估影嗰日會落雨,不過都係毛毛雨、一兩陣,佢想照去,同我諗法一樣,佢就提我要帶的東東同時間地址。

星期三 天陰
前一晚我徹夜無眠,唔係因為緊張,而係因為我係vampire,平時人地瞓覺我就最精神,人地做嘢我就瞓覺,所以要我12點瞓根本係mission impossible,喺張床眼光光咗一陣,又碌咗一陣,都瞓唔到。不經不覺就7點,梳洗一下,it's time to GO!!

去到只有Winnie的助手Eugene,不久就化妝師上到來,大家打聲招呼就開工,化妝SET頭用咗成個半鐘,化妝師幫我由短髮變長,好女仔、嫵媚,哈哈! 跟住其他人都陸續上到嚟,CREW MEMBER有4位,我地9點幾十點就上車出發去第一個景點:西貢。

上車無雨,去到即落,都話貴人出門招風雨(哈哈哈,我係咁同自己講),等咗一陣,原本諗住走,改去STUDIO先,但後尾變細咗,我們就照去了。星期三影相真係好,首先無人同我爭位,基本上係無人,我覺得影相真係最好揀平日,唔係同人迫。去到佢地個「秘密花園」,我定一定,因為……我平生最怕就係蛇!!!! 好驚,不過佢地好細心,派咗兩個男仔去做先頭部隊,同我「開條路」先到我去,咁我都無咁驚,影的POSE都係指定動作,無乜特別,只係嗰度真係好多蚊!!!! 咬到我痕到而家,我都唔明夏天可以點影,試想想又曬又熱又有更多嘅蚊,諗起都打冷顫!!!! 之後便是一條狗屎路同石灘,喺西貢影完3度地方,我地就食飯了。

今次係我咁大個女,第一次化行妝、着低胸、大大條裙,坐喺燒味店食切雞米~~~~~

食飯中途都有講有笑,之後便轉去STUDIO。STUDIO喺荔枝角,好大好靚,租係1500元3-4個鐘,其實我估佢都無同我地計到咁足,非常韓式FEEL,好靚。我喺呢度影得最多SHOTS,我的黑色GOWN就係喺STUDIO登場了。因為又有冷氣又無蚊,好舒服,人都開心D,去到STUDIO,我已經即刻話,「呢度影好好多」,WINNIE即刻笑我怕辛苦到……

喺呢度順便轉埋妝,就係我最後一條裙──紫色短裙,就出發去高街,影最後的一段SHOTS了。

不過因為我通咗頂,其實之前化化下妝我都差D瞓咗,化妝師叫我合埋眼再開眼時,其實我係無力開,眼皮千斤重………到高街影時,其實影就唔辛苦,但我開始好眼瞓,想快快KO,希望Winnie快d收貨,當時又下大雨,我就更加想快d走,結果我估影咗45分鐘到,終於可以收工啦!!!!!!

之後,我同老公上winnie公司俾埋尾數,就閃返屋企,之後就去食壽司,嗰時,我已經攰到隨時可以瞓着了。

基本上因為我有好大段時間喺studio,所以天氣係影響唔到我,反而我幾慶幸嗰日天陰,因比較涼爽,咁我起碼可以睜大隻眼同埋唔會忟,如果係大晴天,又熱又多汗又多蚊又眼瞓,我估我會忟死。

呵呵,總算完成一件事了。給大家一張preview看看,今次不怕出樣,因為化到咁行應該無人會認到我,哈哈哈!!!!


沒有留言:

張貼留言