2013年9月1日 星期日

Prewedding 評價 & 感想

提起筆桿,寫番上次婚紗相的review及一些感想。

■ Winnie the fook
如何搵到佢同中間過程同溝通都好smooth,而且質素一如我之前所見,好平均,相片出來的效果可以預計到。

反而我想講這位攝影師影相的SHOTS並不多,當天影了一日、三件衫、三個景,估計都只不過影了不超過100個shots,平均一個景影10-15個SHOTS,有些人可能會覺得唔抵、影得少,但我會count這是優點而不是缺點。首先,我的Package包60張相,若然要我由200、甚至300張相入面揀60張,我會覺得攝影師一定唔識揀相同影,如果一開始就好清楚自己要點影,基本上會SET好,影一張就已經係PERFECT,得嗰三個景,無可能有幾百張唔同呀?

而且要由咁多張入面揀幾十張,我見到都忟,簡直浪費我揀相時間。

因此,SHOTS 唔多,對我來說顯示攝影師有信心之餘,亦係專業的表現。

至於相片效果方面,我不諱言WINNIE係比較女性化,男的一定唔太BUY。

問我多一次會不會找她影時,我想,可能我兩輯PREWEDDING攝影師會調轉,DAVID幫我同羊生影,WINNIE實在比較適合齋同我們一班女仔影。

■ MUA Angel Wong
這次化妝是Angel,最後一次調期也是因為攝影師想angel化我,覺得會夾一點。

先不說化得如何,只是工作態度,Angel便己是A++++++++了。

當天雖不熱,但也不輕鬆,Angel全日係無停過手,要做好多額外嘢,包括打燈、服待我、幫攝影師打點細節等等等等……佢仲會買水俾我飲。羊生都話,Angel應該係全日最辛苦嗰個。

至於個妝,好正路,而且以影相來說,己不算濃了。

http://www.fotop.net/angelwongmakeup
■奇華特
點解我又寫? 今次我係去買GIRDLE,佢問我係新娘定係伴娘,我不疑有詐,話係新娘,於是個胸谷到就嚟跌出嚟,影相時攝影師話攪到我太肥,有惟有換nubra,加束褲,即刻好好多。
所以奉勸各位,買時記得同佢講清楚,如果唔係會佢會塞好多個pad俾你。

沒有留言:

張貼留言