2013年9月1日 星期日

姊妹prewedding ,樂極忘形

終於都影完最後一輯prewedding。

呢輯相我好期待呀!!! 因為同一班靚女影相,而且我的手作仔真係用咗好多心機同時間,雖然最尾無全部出現,但係我都好滿足了。

我們一行6人,化妝由7點9,搞到11點先出到門口,去到迪欣湖都差唔多12點,唔知係咪太陽伯伯聽我發得牢騷太多,今日終於肯同我影相!!! 全日都晴空萬里,好好天又唔凍,係大風咗啲。

因為我地全日只影2個景點,迪欣湖影咗2個鐘多d,之後我們便轉戰studio,原本想影日落同沙灘,但攝影師話太大風,所以唔會影,真係好可惜。
我book了studio 4 個鐘,最後真係影用咗兩個鐘,到6:30就收工。

當天攝影,真係讚一下化妝團隊Sonia Lam,佢化的新娘妝好靚好仔細,而set的髮型好襯我,又會聽人講,因為我的姊妹都係有要求的人,所以我之前係俾咗好詳細的reference佢,佢真係有做功課,全部記得晒!!! 當天真係做番一模一樣的妝容同髮型出來,化我的妝好仔細都不止,化姊妹同樣仔細,會幫佢地打陰影、修眉,眼妝不是一pat色,而是有層次的,每個人都好靚好襯,一點娘味也沒有。

到最後,我亦confirm了sonia做我大日子的姊妹化妝團隊,化早晚2妝2頭,雖然係貴少少,但我這個control freak,真的要每樣東西都在我掌握之內,試過好的,我也不用擔心了。 

現在送上一張相跟大家分享我們的喜悅:)


沒有留言:

張貼留言