2017年2月28日 星期二

I will always miss you

給我最親愛的媽咪,

由小到大都叫你媽咪而不是姨媽,是因為你待我好像女兒一樣。
一直都如此。
上次媽媽走的時候,我心裏開了一個洞。
今天你走了,我心裏又開了一個洞。
我沒有呼天搶地,可能是人大了,也開始接受人總有這一天。
希望你脫離痛苦,讓我們在天家再重聚。

永遠心裏都會掛念你。

霞字。
2017/2/28

2017年2月10日 星期五

2017@名古屋

2017年第一BLOG,又係日本。

今次決定挑戰名古屋。
無他,因為東京去得太多,京阪又唔係特別中意,原本打算北海道或九州的,但唔知邊個同我講話輻射定地震。
就係咁,我決定去名古屋。

點解要用「挑戰」呢個字?
因為名古屋搭車真係好_煩。(Feel free to fill in the blank)
我研究咗個濃飛巴士好耐、好耐、好耐……
然後發現——我都係睇唔明。

Well,不過吉人自有天相。
原來我有個同事及表妺剛剛去過返嚟,咁我就可以撿個大便宜,執佢地個行程同問清楚佢哋先去。

我今次又係喺fanfare度買平機票,一個人來回係22xx,比我見任何一間廉航都要平,當然如果你係由名古屋玩到去大阪/東京就唔同講法,但根據我表妹夫的經驗總結:車費貴過張機票。而今次我係book咗3間酒店,當中在高山的溫泉酒店還包了一泊兩食,8天行程只需64xx元,係咪好精明呢?

至於有朋友話我係國泰死忠,我都認我係,主要係因為佢地時間比較好,而且做推廣時機票仲要比廉航便宜,咁why not?

名古屋旅程大概的行程如下:

第一天:香港去名古屋-->名古屋市內(住名古屋)
第二天:名古屋去高山(JR)-->白川鄉-->高山市內+溫泉酒店(住高山)
第三天:高山朝市-->金澤一天遊(住金澤)
第四天:金澤一天遊(住金澤)(考慮去立山黑部)
第五天:金澤去富山-->富山一天遊-->金澤(住金澤)
第六天:金澤返回名古屋-->名古屋一天遊(住名古屋)
第七天:名古屋去三井OUTLET(住名古屋)
第八天:名古屋市內-->返回香港

初步諗法係咁,酒店都訂好咗,今次都係順住昇龍道玩,希望我可以無穿無爛咁返嚟啦。