2013年12月31日 星期二

我的2013

今天是2013 年最後一天,還有數小時便2014。

這一年,是我轉變最多的一年。有紅事也有白事,嫁了人、做了老闆,但同一時間,親愛的公公也離開了,羊生的老死也選擇了離開我們。


2013年5月4日,我結婚了!

2011年年尾,羊生求婚,我倆準備結婚﹐定下2013年5月4日是大日子。當時還覺得很遙遠,時間一點一滴地過,大日子就這樣地過了,我變成羊太,不再是小姐,從那天起,又多了一個人寵壞我。哈哈~






不厭其煩地再說,我真的好好好好好好愛我自己的婚禮。
所有回憶還像昨天發生一樣清晰。
跟羊生也做了半年夫妻,thank god,我地無嗌過交,還是好像拍拖一樣,很甜蜜。
希望以後,都能夠一起開開心心過日子。

2013年9月13日  伴郎離開了。

這件事我一直都沒有提起,因為太傷心。只希望他如果在天之靈,可以安息。

2013年11月9日 公公離開了。

小時候,最愛買零食給我的公公,走了。
公公,請你安心走,我們每個人都會過得好好。
勿念。

2013年12月28日 婚紗店開張

人生太短,要做的事太多。
今次,一鼓作氣,做自已愛做的事,感覺很爽。

籌備了年多的小店,希望可以一步一步走下去。



這一年,發生太多事,有時候也來不及消化,就要再往前走。

偶爾一天,回味一下,百般滋味在心頭。

But, Life goes on。

願新一年,能更上一層樓,過得更快樂。

Wish you all HAPPY NEW YEAR!

2013年12月23日 星期一

My Shop My Pride~

這個月真的過得很快,不經不覺又聖誕節了。

我的小店經過一輪「裝身」,很快便可和大家見面了!!

由裝修、設計、買傢俬、度位、擺設……全部由兩個小女子親力親為。

真的是筋疲力竭。

只是,坐下來看看店內,兩人又會會心微笑。

小店希望走輕鬆外國風,就是要cozy and warm,就像家中的一個walkin closet。

再滲入點點retro style,sweet and chic~~

哈哈~~

讓大家看一下現在mid-production 的相片吧!
小店還是以最愛的POM POM球作為重點裝飾,加添甜美感。

更衣室,地上還欠地毯。

另一款的pom pom球,你看我是多愛pom pom。

現在還欠一點decoration就完成了,店子小小,但願各位新娘能在此輕輕鬆鬆地試衫吧。

明天平安夜,祝各位聖誕快樂&新年進步!!

2013年12月6日 星期五

京阪神最後一擊之必買手信

今日寫寫下稿,突然醒起:我仲有一篇遊記未寫。

做人要有頭有尾,所以雖然隔了這麼久,但我都係要寫埋佢。

京阪神之旅,我真係無乜買嘢。買得最多的竟然係………貓糧。

無錯。係貓糧。

各位貓奴平時有行開pet shop都應該會見過呢隻日本鰹魚同埋「魷魚絲」。
米大人同細佬的至愛。
我家的「躁米」同肥細佬超級中意食,平時香港一條大裝賣25元,細裝好似係15元,今次去日本的「激安殿堂」見到,佢竟然賣698yen有15條!!!! 平均只係3蚊一條(兌7.5算)!!!

我即刻狂買,掃晒架上的所有貨,因為真係太抵,呢隻魚魚好香又有小小汁,分量不太多,不會食完唔食飯,所以我成日都會買俾佢地食。

下面的「魷魚絲」都係大帝們的至愛。有多種味道,同樣好平,香港買要3x元,呢度廿蚊都唔使!! 我又係狂掃。

各位貓奴,如果會去日本記得買返啲俾主人食啦。

第二樣嘢我必買就係呢樣。

自由軒咖喱名物(左)萬能汁(右)
呢隻咖喱真係好易煮又超好食,佢仲有一隻萬能汁,可以用嚟配炸豬扒又係超正,好過用may姐雞汁。

之後呢,仲有一樣係必買,就係「青汁粉」
這款在日本好多藥房都有得賣,飲一包可以補充一天所需的纖維,日本好紅的呀。香港好似現在都有引入,但我見好似係液體,這個粉狀其實更方便。

等我又講下,我搵到的特別手信。逢去日本,我都必定買杯面做手信,因為比香港好味太多,而且又夠特別。

不過,自從有了阿信屋,好多特式杯面香港都有了,今次找到一款暫時香港還未有:綠咖喱杯面!!

後排杯面。
這種杯面我只買了好幾個,當天斷了貨啊~~

美容方面,基本上我都好少化妝,唔係咩美容達人,不過有好嘢就一定會買。

這款酵素洗面粉現在日本好紅,唔記得有咩效用,總之都係清潔得乾淨啲啦。試咗一盒仔,又真係好ok,好似去埋死皮,皮膚光滑咗好多,推薦!

右邊便是盒裝洗面粉
臨上機前,我仲喺機場大手掃貨,買了好多sofina產品,因為免稅關係,我只用了700元便有6樣嘢,香港同一價錢頂多買到兩樣,抵到爛!

我非常推薦大家買sofina的30度防曬,真的又保濕又不會出油,不會惹暗瘡。我的皮膚好敏感,而且會生暗瘡,但自從用咗呢隻之後,就變好咗,極力推薦。

最後,各樣戰利品來張例牌大合照。
就係咁,我的京阪神之旅已經分享完畢,多謝收看。

2013年12月5日 星期四

香港地,真係乜人都有

現在的人是否不懂分是非黑白?

每一晚放工後,我都會同老公去放狗。

原因一,是拿督要去廁所;二是想牠發洩精力,免得牠屈在家行步路都俾人投訴。

我們多是凌晨三點幾放,條路兩邊都有屋,不少人都係放養狗隻,只要我們一行過,那些狗就會吠。

話說,前一晚放工我如常同老公一齊放狗,行到盡頭見到差人叔叔剛剛去完廁所,佢地見到我地就向我地招手,仲以為佢話我地行馬路中心,點知…

「你知唔知有人投訴你地夜晚放狗?」
「吓?」
「佢地話你地搞到啲狗吠到好嘈。」
「吓? 但我隻狗無吠過喎!」
「係呀,呢啲狗(指住拿督)係唔吠,係周邊嗰啲狗吠」
「………但我地剛剛放工先可以放狗喎」
「我明呀,你地就得個知字啦,啲村民係驚有賊,我都認得你地呢幾晚放狗。如果費事嘈到人,就行第二邊,但如果繼續行都無嘢。」

之前一次放狗,我已經見到有人喺屋用閃光燈照我地相,如此無禮貌嘅行為,我都忍你,但而家你自己唔管好啲狗不特止,仲要投訴我?!

而家有法例唔俾人半夜三點放狗呀?!

仲要係你自己隻狗吠又唔係我隻狗吠!!

嘈係你隻狗又唔係我隻狗!!

真係,啲人係咪以為識投訴就大晒?!

香港地,痴線友真係多的是。

BTW,睇嚟拿督又喺西貢警署出咗名。