台北記之BEAUTY PRODUCT大斬獲

早前去了一轉台北。

真的好久沒有去，11年了。

台北還是台北，跟我印象一樣無變過。

今次3個女仔一個墟，去了3日2夜GIRL'S TRIP叉電。

旅程去了寧夏夜市、貓空、華山區等等等，最大的收穫是我買了好多手工皂!!!!!還有朋友在宏賓推薦買的BEAUTY PRODUCT。

其中手工皂最值得一說。

這間店是我們在華山閒逛時發現的，一下子被他們吸引住，因為他們的手工皂真的太美了!!!
手工皂的香味是一種淡淡的幽香，非常的清新自然，沒有人工的味道，聞過以後，你能輕易地分出高級品與劣質品，就像吃天然水果跟罐頭水果一樣。

手工皂成分天然不在話下，而且還分了很多不同用途，有洗澡、洗頭及洗臉，而且功用也真的很多，我買了一块洗頭用的竹炭皂，可以去頭油、保持頭皮健康，而且氣味非常好聞。另外一块便是橙香的洗面皂，對混合性皮膚很好，可以控油、深層清潔，洗後還不會太乾燥，配合我現在轉用的花水TONER(這個容後再說)，洗臉護膚變成了一種享受。我還貪得意多買了一块馬卡龍香皂，除了外形很可愛之外，還有是因為其竹炭成份，可以吸油、消炎，對我這種混合肌膚很好用。

除了功效多，最要命的是每一件手工皂的設計真是令人欲罷不能，件件都想要。

最後本小姐由頭到腳可以用的都買了，現在還在後悔沒買蘭花皂及一件紫色的花花皂呢。

蘭花皂

馬卡龍洗面皂

除了手工皂之後，在台北的宏賓也是大有斬獲。

那間小小的舖頭，原來有很多小寶貝，是同行友人N推介的。門口掛滿了香港雜誌的推介文章。我的戰利品包括一個神奇吸油「卜」、去黑頭神仙水。

●去黑頭神仙水
這個是店裏的鎮店之寶，只要倒在化妝棉上然後敷十多二十分鐘，再用黑頭針輕輕一刮，就可以100%去掉黑頭。之後再用同系另一支收毛孔液就可以了。
回到香港之後，我就試了一下。

左面是清黑頭、右面是收毛孔

透明的液體，沾上化妝棉再敷。

我在那裏買了唇膜片來敷，以確保不會太快乾，其實也可以用保鮮紙的。

上面是BEFORE，下面是AFTER

 的確是易清了好多!! 很多黑色的一點點不見了!!!

這個產品很值得一試，價格大約是3000台幣。

●神奇吸油卜
這個卜是香港很多星級化妝師都推薦的，可以吸油的同時，這個卜其實是黏着一片面油「布」的，最神奇是這片「布」可以不斷循環再用，又好用又環保，盒內備有3片可供替換。

很精緻的吸油卜鏡盒

下面的吸油布

謝謝收看。:)

OFF those headS──去黑頭、粉刺必試之B.LIV

護膚品，我其實好少買。

一係唔買，一係會買支人人都話得的，費事成日買、成日試咁煩。

我對護膚品的質地、香味、用法都有preference。

質地方面，最好係gel，唔中意任何cream狀物體，厚身質地的cream有「立」的感覺，而且感覺太rich，唔適合我。

香味方面，最好清新一點，我中意茶樹味或者係herbs，或者無味都ok，最憎好大陣味嗰d，尤其係生果味，「甜爺爺」，免搞。

用法要簡單，又要Steam又要定時定候搽的都要bye bye。

毛孔大同黑頭係我的天敵，所以我有時做完gym都去焗steam、之後再用磨砂洗面，真係好work。不過，呢排太忙，所以無去。朋友N之前介紹咗一枝叫b.liv，專門用來對付黑頭的，質地gel 狀，早晚搽，一個月可見效。佢話佢有個朋友試過好work，叫我試下。

我買了左邊一支，莎莎有售。(網上圖片)

我跟住心思思就買咗枝，大約400幾元。一搽上去我覺得有少少涼，同埋少少難推。Anyway，我都係早晚搽，我發現搽完一個星期之後，啲白頭黑頭浮晒出嚟，好容易可以做peeling清走，之後我正常地拍番爽膚水，我推薦用牛爾老師的爽膚水，超好用又平，好適合混合肌膚，我壓力大時會用佢浸濕面膜紙敷面，可以預防暗瘡。

colour mix有得賣，100元有找。

So Far, 我覺得都ok好用，涼涼地，而且真係無咁油。而我的黑頭真係有顯著改善，我無影低前後對比照，但有blogger有更詳細介紹。有興趣的jm，可以試下。

blogger 的before(左)及after(右)

參考網誌：http://www.theztyle.com/home.php?mod=space&uid=45834&do=blog&id=199452

身痕出血之眉筆、眉gel、防曬、保濕精華

星期六放假，自己一人出去window shopping。
我原本只係諗住買個head band做頭飾去婚宴時用，後尾行吓行吓越買越多，反而頭飾係到後先記得買。>.<

平時我都好少化妝，但自從跟nicole學咗化妝之後，我開始好重視條眉。
而家，我基本上都會自己修眉同畫眉，之前買了cle de peau 的眉粉kit，好好用，
不過當我去做gym，個kit唔係好方便帶，好怕會跌碎，而且又要用支掃，有d麻煩。

後尾，我買了ipsa的防水眉筆。

前

後

睇過一個實驗節目，發現原來要延緩衰老，最重要係防曬。
我就急急腳買支防曬啦，睇咗好多最後買咗SOFINA的防曬乳液。

因為我都係長期喺室內，而且我唔需要美白，所以揀咗呢支。30度防曬就好OK。
用咗三日，真係好用。用之前要拍爽膚水，唔需要再搽任何CREAM，就可以搽佢。
因為我本身係混合性皮膚，呢支嘢一D都唔油、好爽，但話可以保濕我就有保留。
不過都唔緊要啦，之前聽RICK CHIN講，要保濕係靠支爽膚水，而唔係CREAM，支CREAM只係一層鎖水嘅油。

而家，我仲PLAN緊買多一支CLE DE PEAU的爽膚水、雪花秀的潤燥精華。
其實爽膚水我都仲掙扎緊買CLINIQUE好定CLE DE PEAU好，之前我用過CLE嘅試用裝，真係好潤，比起我用開的SKII 有小小THICK，但係我覺得SKII好似唔係好啱我個年齡，佢太強了，最重要係我唔想美白(因為我這隻夜鬼，平時都曬唔到太陽，已經白得好似隻鬼咁，所以唔想再白)。我想用D溫和D、潤D，但係CLINIQUE又好似唔錯，仲要平一大截。
用邊個好呢……