京阪神中伏系列 (by旅遊書推介)

吃過不少地道美食，令人回味無窮。

只是，並非每一間獲推薦的都啱口味，這趟旅程便有幾間中了伏。

各位，我也不是特別嘴刁之人，但這幾間我一食入口的感覺就是「OH~ MY~ GOD」。

今次幾間都是看「閃閃旅行書」推介中伏，第一間便是黑門市場內的咖喱拉面店あそこ。

這碗面，都不知怎去形容，一PAT的咖喱茨汁，用即食咖喱粉加上一點紅薯粉，沒有任何材料，就只有這一PAT……

一PAT 汁，只有鹹字，一點咖喱香都無。

師傅是即叫即做，然後……佢會坐喺你前面睇住你食。呢 pat 汁，看到之後好唔開胃，跟自由軒的根本沒得比，得個鹹字，烏冬又未漏乾水，碗面就係一層汁、一層烏冬、一層水。當時，由於店內得我兩隻羊，師傅又坐在前面，唔好意思食兩啖走，惟有‥‥‥硬食。

呢間，簡直係難食嘅「冧把溫」。

第二間，咳咳……先旨聲明，我估係口味問題，就係難波嘅神座拉面。

賣相是挺ok的。

面ok，不過有d「立」。

有人形容佢係第一位好食，可能我味覺有問題，食完一啖唔想食，湯底勁似出前一丁味精湯，羊生話佢可能用椰菜煲所以有呢陣味，總之……我同羊生都覺得就係出前一丁味。

不過，我估佢都唔咁衰用味精，只係同日我們吃過隔離的金久右衞門，差太遠了，所以才覺得這碗是中伏之列。

最後一間，是大名鼎鼎的蟹道樂。

賣相精緻，可惜沒什驚喜。

這個類似奶油忌廉批，好難食，味太重又滯。

認真地說，我覺得在黑門市場拆一隻蟹更好吃。這套料理真的沒特別，本身蟹的刺身相當難食，有如一块肥膏，另外令人難受的是一杯山藥，滑潺潺的，如果這不是價值300多元的午市料理，我才不會把它吞下肚(正確來說，是叫羊生吞下肚 XD)。

這個價錢，我去文華東方食蟹腳更好食。

中伏系列，大槪是這三間印象最深，畢竟日本人都很注重細節及質素，普遍的食店還是有一定的水準。

下一篇，最後的啦，講手信。YEAH!