2015年9月18日 星期五

奶皇月餅之從失敗中學習

之前在面書見不少谷友做月餅,
痴起條筋跟羊生說:不如做月餅囉!
我很記得他當天是潑了我冷水的。

之後,我不了了之。

反而,羊生有一天跟我記要去行旺角,說要去上海街。我覺得很奇怪,便問他去來幹嗎?

他說:買.月.餅.模

我:……………

羊生自從結婚之後便做了住家男,他則形容自己是「毒男」。整天在廚房團團轉,做了很多我認為是「極不正常」的家常菜。而在做這些料理之前,他亦買了很多千奇百怪的小廚具回來,例如:雪糕機、乳酪器、空氣炸煱、大型攪拌機、煎蛋捲器(無錯呢個世界原來有呢樣發明)……

而他煮過的包括:半熟蛋、滑啫啫雞、廣島燒、薄餅、雪糕、滷水牛展等等等等

除咗雪糕之外,無一樣嘢同佢買過的廚具有關。

所以,當佢想買餅模時,我原本想阻止佢,又於心不忍,於是由佢。

實驗了3次(點解叫實驗? 因為無次係用啱面粉),今次算要略有所成。



哈,希望佢可以喺中秋之前成功做成一底啦。

沒有留言:

張貼留言