飄來榴槤之香

果后呢家嘢，真係好「acquire taste」。

喜歡吃的人真的好似中毒咁，不停咁食。之前聽收音機，有個師奶話佢好鍾意食榴槤。試過有一次買餸，買咗4個金枕頭，之後因為太重，行到攰坐喺公園抖一抖，望住啲榴槤，忍唔住，食啖一口。之後一口又一口，佢竟然……喺公園食晒4大個榴槤！

我屋企一家人都係食榴槤，而家就只有羊生唔食。我嗜甜的關係，最愛就係食榴槤甜品，以前無乜地方有，所以多數幫襯滿記。

直至噚日，我終於發現新大陸。

我屋企附近有一間幾出名的甜品舖甜源居，玻璃屋式設計很可愛。之前一直無機會試，今次試了「榴槤忘返」，真的超好食！！！

圖片來自ｏｐｅｎｒｉｃｅ

之前食滿記，我覺得都ｏｋ，只是我不喜歡椰汁，覺得有點怪。這間店的底汁是榴槤汁啊！！！超香甜，當然也超肥，完全滿足我的榴槤癮。而且，配上的紫糯米又係超好吃，很綿又有煙韌，甜度剛剛好，配榴槤汁，真的好吃死了～～

我的最愛

 至於，那件榴槤，有些人愛很熟那種，就是有點點酒香的，我便是這種人。這個榴槤便正合我胃口，真的超甜又不太膩。

愛吃果后的你，不要錯過呀！！

甜源居
西貢海傍街16號地 下