老少女食齋＠心齋

食咗好多餐生日飯，一丈班老友記決定喺我三張嘢之時同我洗滌心靈。
於是，一班老少女便去了金鐘食齋。

基本上，除咗年初一食齋之外，我全年都係食肉獸。（阿爸話，初一食齋等於全年食咗齋，積咗福。唔知咩邏輯，但我ｂｕｙ。）
今次因為其中一位老少女病了，大家就清清地食下齋。

選了位於金鐘科達商大廈內的一間齋舖，位置都幾偏僻，我們一行人等都係約喺金鐘地鐵站，之後齊齊坐的士去。

舖面其實都幾迫，好在當晩人少，坐得都尚算舒服。我地4個人叫咗5樣嘢食，食到好飽。

■清甜冬瓜盅

好好好甜，好清又唔肥，好香菇味，個瓜又爽，好好食。

■蓮子花

我唔記得呢個餸個名，賣相好靚，俾佢吸引咗。
好多蓮子又林甜，又好清爽，好啱夏天食，不過我地嫌底下的西蘭花生咗d。

 ■竹苼「魚肉」

入面當然無真魚，全是用蔬菜切蓉填滿，我最中意食呢個。

 ■魚腐滾清湯

平時食開的魚腐以硬豆腐代替，入面仲有我最中意的毛茄，都唔錯，但無乜特別。

 ■香菇炒飯

呢個飯超好食，無味精但又好香，最厲害係唔多油，d飯還是一粒粒的沒有炒爛。

飯後甜品：愛心生日蛋糕

呢個當然唔係齋啦~~~
朋友仔自己帶，喺paul lafayet買，多謝晒。

心齋

半山花園道51號科達中心3樓

2525 0552