三張生日飯@英記火鍋

三張生日飯，跟羊生一起，今年捨棄文華走咗去烚下烚下。

這間就是鼎鼎有名的英記火煱。
早幾天睇電視，見吳錫輝在這間火窩店訪問毓民，佢係咁讚呢度好食，尤其係牛脊肉，還有牛白玉。
於是，喺愈睇愈肚餓下，我倆「牛精」就山長水遠、大熱天時，去了涮～火～窩～

先介紹一下，這間火煱店都頗有歷史，最出名是其用料新鮮。

吳錫輝講，佢最中意食的就是這裏的牛脊肉還有魚，而openrice的熱捧必點美食是三文魚、牛孖筋，還有粟米薯仔湯，牛肉類的當然少不了。

當日去到先點一個鴛鴦鍋，我點了我自己的至愛──皮蛋芫茜湯，還有羊生最愛──沙嗲湯。

芫茜湯底清，味濃，芫茜味很重但又很香、很甜，最重要的是不太鹹。我本身不喜歡沙嗲湯底，所以無論點食都唔覺好食，羊生評語係：始終都是方榮記最好。下次去，可能會試他的粟米湯底呢。

好了，來到烚烚下，我們二人點了牛脊肉、牛骨髓、牛舌頭、牛白玉、鱔片、四寶丸、芋絲。

份量而言，每碟都不少，食之前我同羊生都諗佢ｄ牛脊肉可以有幾好食，我們也曾在銅記街市買過，當時買的已很好吃，很肥美又有油香，英記收148元一碟，所以我們很想知佢可以有幾好食，要收到這個價錢。

手震震影下的，油脂分佈很均勻。

滾一滾，就入口。真係……好食，入口即溶，滑又不膩，老闆娘之前受訪時說，她用的是本地牛，我覺得比和牛好吃，因為牛味濃及新鮮。

 

 這碟鱔片是我吃過咁多間最好食！每次打邊爐鱔片都是用來充充數，一定食唔晒，但當天我一個人差不多吃了三分之二碟。

鱔片又鮮又脆又甜，必食！

肉質又爽又脆又鮮，配上芫茜湯去腥，一絕。推介必食！！

要介紹的必食推介還有這碟──牛白玉，超好食。這部份就是牛的胸腹油，口感好似食魚鰾，但又不「立」，沒有膠質的，只是很脆很爽，好過癮。

牛白玉食落好過癮。

這碟牛骨髓好麻甩佬，但係我嘅至愛，每次都必食，這碟就平平無奇。

之很的四寶丸，因為掛住食，無影相。

又係超好食，彈牙＋爆汁。

借人相一用，食落口感似手打。

是日生日飯，加多兩枝啤酒，盛惠七嚿。
聽聞，他們的小菜都不錯，下次再ｅｎｃｏｒｅ。

英記火窩